Ka lympung ïalehkai phutbol jong ka kyrdan 3rd Division bala pynïaid da ka East Jaiñtia Hills District Football Association kaba la long mynta ka sngi 13 tarik u Nailur ha madan EJDSA Artificial Turf, Diengshynrum, Khliehriat.
Haba phai sha ka jingïakhun ba nyngkong ka kynhun ïalehkai jong ka Evergreen Ladwahwapung SC kala pynliem da 1-0 kol ïa ka Shymplong SCSC, ïa katei ka shikol na ka Evergreen Ladwahwapung la thep da u Testme Dkhar.
Ha ka jingïakhun kaba ar hapdeng ka Wahsanphaw SCSC pyrshah ïa ka Wahsarang SC kila poi sha ka jingïakhaid khlem don kiba thep kol (0-0).
Katba ha ka jingïakhun kaba lai hapdeng ka Tongseng Youth SSC pyrshah ïa ka Wapungshnong SC kila poi sha ka jingïakhiad da mar 2-2 kol, ïa ki kol na ka Tongseng Youth SSC la thep da u Jimmy Amse haka minit ba 6 bad u Nongpynthymmai Kyndoh haka minit ba 34. Ïa ki kol na ka Wapungshnong SC la thep da u Wanphai Dkhar haka minit ba 2 bad u Helpme Dkhar haka minit ba 63.
La sakhi ha kane ka sngi u Chiarman ka JHADC u Dr Sankey Shangpung ula long u nongïalehkai na ka Club Evergreen Ladwahwapung SC, ula long ruh artad uba sngewtynnad bha ïa ka jingïalehkai phutbol, ban synñiang shibun ki jingïarap ïa ki Club ba dei hapoh Constituency jong u bad uba ai mynsiem bha ïa ki khun samla ka District.
