Ka seng FKJGP-Khliehriat Circle ka sngew ban ai ka jingiaroh ia ka Shnong Wapung Skur kaba hap hapoh East Jaintia Hills District halor ka jingstad jong ka naduh ki Nongialam Shnong haduh ki Nongshong Shnong ban shim ia ka Rai ban kyntait ia ka Om Om Coke lane ia kino kino ki Coke Factory kiban wan ban pynsniew ia ka Lyer kaba khuid, ka seng ka sngewphylla ruh ban iohi ba Balei? ki coke plant ki kwah pynieng ia ka plant jong ki barabor hajan ki Shnong ki thaw bad Balei? kim wad jaka sha jngai na ka Shnong bad wat kaba ladon lypa kawei ha Mookhep NH6 kaba kyrteng ka ABhi coke haba iaid lynti najan jong ka ym lah wat tang ban ring mynsien ba sma palat lei ki mut pynbun sa kawei.
Ka seng ka iohi ba kawei ka Om Om Coke kaba mut shna hapoh ka Shnong Mokhep hynrei la Shah pynsangeh ha ki nongshong Shnong ka Wapung Skur namarba ka jaka ba shna ia katei ka Coke kala tam pud sha ki jaka ka Wapung Skur, katkum ka jingioh jingtip ka seng daki phew tylli ki Coke ba wan tyrwa ban buh plant hapoh ka Shnong Wapung Skur hynrei da ka jingiohi jngai ka Shnong ka kyntait ban pdiang ia ki bad ngi sngew sarong ba don kum kine ki Shnong kiba dang pyrkhat ia ka mynried ne ka lashai lashisngi ki khun ki kti.
Ka seng ka sngew ban pynrem jur ia u Waheh Shnong ka Shnong Mookhep halor ka jingrai marwei jong u ban ai NOC ia ka Om Om Coke, ka seng ka iohi ruh iaka jing kynrei ki dukan kiad beaiñ bad ki wine shop kiba don Licence ki kynrei bha hapoh ka Shnong Mookhep, kane ka buh jingma ia ki khun samla ka thaiñ bad ngi pynrem jur ia u Daloi ka Elaka Jwai bad iaka JHADC kiba Ai NOC kulmar khlem ka jingbishar bniah bad kumjuh ia ka MSPCB kaba ai iaka CTE khlem da bishar bniah lada peit Kumne kitei ki shnat treikam kim pat fit ban trei iaka kam naduh u Daloi, Waheh Shnong, JHADC bad ka MSPCB.
Khadduh ka seng kan sa pynher da ki jingthoh sha kiba halor ban dawa pynsangeh ia katei ka COKE PLANT bad ha kajuh ka por ka seng hi ka pyrshah ia kino kino ki Coke plant hapoh ka thaiñ pynkut ka kyrwoh na u President ka seng u Michal Chyrmang.