Ka la long ym tang ka jingsngewsarong ia ka Jylla hynrei kaba la pynlyngngoh ngaiñ ia ka pyrthei baroh kawei namar ha ka por ba plie ia ka World Traditional Medicine ha Gujarat kaba la pynlong ha ki lai sngi lynter kata naduh 20-22 April 2022 ha Mahatma Mandir, Gandhinagar. Ha ka jingkren Jong u Dr. Joram Beda, Secretary to the Government of Meghalaya ha ka 21/4/22 u la pynithuh syndon ia ki lai ngut ki Nongaidawai Tynrai na ka Jylla U Dr. H. Carehome Pakyntein na West Jaintia Hills Jowai, Bah Jasper Manih na Ri Bhoi bad Bah Spasterlin Nongrem na West Khasi Hills.
Hadien ba kine baroh lai ngut ki la Ioh ban ieng pynithuh hakhmat Jong ki hajar ngut ki Nongmihkhmat kiba la wan na ki Ri bapher bapher jong ka pyrthei, kine ki doktor na Meghalaya ki la iohlad ruh ban iakren bha bad ki Scientists, Govt. officials bad ki Ambassadors. La Ioh ban kren kyrpang ruh ia U Anil Johar, Scientist ka QCI bad U Union Minister Shri Sarbananda Sonowal Minister of Ayush etc Govt.of India. Na ka liang jong ki ruh ki la kular ban sa iarap ban sa leh ia kaba donkam ynda ki la ioh ia ka jingtyrwa na ka sorkar Jylla. Kaba kham shongkun bad pynktik ia ka pyrthei baroh kawei ka dei ka jingkren ha kawei na ki session da U Dr.Joram Beda ha ki “Doktor Sla ne ki Plant Doctor”.