U Prime Minister jong ka ri u Narendra Modi mynta ka sngi u la ai ka jingiaroh bad ka jingkhublei kyrpang ia ka Indian Space Research Organisation (ISRO) halor ka jinglah jong ka ban thaw history ha ka jingiadei bad ka jingpynher ia ki liengsuiñ haw-haw kaba la kynjoh sha ka 100 sien.
U Modi ula ong ba kane ka jinglah jong ka ISRO ban pynher haduh 100 sien ia ki liengsuiñ haw-haw jong ka, ka long kaba ym lah ban mutdur, kane ka pyni ia ka jingiohi jngai, ka jingkut jingmut bad ka jingshimkhia jong ki scientists bad ki engineer jong kane ka kynhun.
U Modi ula ong ba ka jingkiew jong ki Private Sector jong ka India ha ka liang ka jingwadbniah shaphang ka haw-haw ka pyni ba ka ri ka dang bteng ban kynjoh sha kiei kiei kiba thymmai halor kane ka bynta.
Ia kane u Prime Minister Modi ula pynpaw ha ka jingthoh jong u ha ka X mynta ka sngi.