Ka jingïalehkai phutbol haka kyrdan Super Division Football Tournament 2023 ba la ai kyrteng ‘U Kiang Nangbah Memorial Trophy 2023’ ïa kaba la pynïaid da ka West Jaiñtia District Sports Association, (WJDSA) Jowai mynta ka sngi ha madan Kiang Nangbah Stadium, Dongmihsngi Jowai.
Ha kane ka jingïakhun kaba la long hadpeng ka 7 Wasa United pyrshah ïa ka Khimusniang kila poi sha ka jingïakhaid da mar shikol 1-1. Ïa ka kol na ka 7 Wasa United la thep da u Samehi Ryngki haka minit ba 72, katba na ka Khimusniang la thep da u Lastborn Suting haka minit ba 6.
La pyntip ba ka jingïakhun lashai ka sngi 25.10.2023 kan long hapdeng ka Mynthong pyrshah ïa ka Sailung Ialong haka por 2 baje nohphai sngi.