Kum shi bynta ban rakhe lang bad ka pyrthei hi baroh kawei mynta ka sngi ka 07/09/2023 kaba ju tip kum ka World Clean Air day, naka liang ka Jaiñtia National Council kala ioh ban iashim bynta lang ha kane ka sngi halor ka theme jong une u snem kaba ong “Together with clean air” ka JNC CEC hapoh ka jingialam u Chairman ka Environment Committee u bah Nini W Sungoh ryngkat ka JNC San shnong Circle kala pynlong daka program ban thung dieng ha ka shnong Mutong, hajan ka Moopun falls, EJHD, da ki dkhot jong ka seng.
La maitphang iaka ne ka jingthung dieng da u Secretary ka Committee bah Synjoy Bareh katkum ka theme “Together with clean air”. Ha kane ka sngi la iadon ryngkat ruh u Waheh Shnong ka Mutong u Marshi Dkhar bad la ioh ruh iaka jingkren lyngkot na u Chairman, Secretary bad u President ka JNC San shnong bah Keling Phawa.
Naka Liang u Chairman ka Environment committee u bah Nini W Sungoh u la ong ba ka jingthung iaki dieng ha kine ki sngi ka long kaba donkam eh khamtam ban iada bad ban pynneh pynsah iaka mei mariang na ka bynta ka bha ka miat ka shnong bad u la kyntu ruh ia kiwei ban kin sngewbha ban iasnoh ktilang namar shibun ki dieng ki siej kila jan jah na kane ka thaiñ.
Naka liang u President ka San shnong bah Keling Phawa Ula Ong ba ka jingbun ki coke factory bad ki cement plant ka wanrah jingeh bha khamtam ka lyer ba sniew bad kumta ngi dei ban shimkhia bad ban thung daki dieng khnang ban lah ban wanrah biang ia ka lyer kaba khuid.
