Kum ka dak ka jingrakhe ia ka sngi kha jong u kpa ka jait bynriew u Mahatma Gandhi, ka District Adiministration jong West Jaintia Hills District, ryngkat ka jingiatreilang bad ka Jowai Municipal Board (JMB) ka Dorbar Shnong Tymmpang Iawmusiang Jowai, ha jingiasnoh ktilang kiwei de ki Shnong ka Nongbah Jowai, ki Market Committee, kila pynlong ia ka Cleaning Drive ha ki bynta jong ka Iawmusiang Jowai kumjuh sha kiwei de ki dong jong ka sor Jowai kila ia shim bynta ban pynkhuid iala ki shnong ki thaw bad ki dong ki shnat kaba lashim bynta lang da ki nongshong shnong.
Mynta ka step ha shwa ban pynkhuid la don ka jingialang kaba lyngkot ha jan ka ophis u Deputy Commissioner WJHD, ha kaba ia ka jingialang la pyniaid da u ka kong D.V. Lyngdoh Additional Deputy Commissioner, la ioh ia ka jingkren na u ma Hercules Toi President ka Sein Raij Jowai, ma Ajoy Lywait Waheh Shnong Tympang Iawmusiang Jowai, ki nongmihkhmat ka Market Committee Jowai, ha ka jingiadon lang kiwei de ki heh sorkar bad ki nongialam shong bapher bapher.
Baroh ki nongkren kila ong ba ka jingpynkhuid ia ka iew ne ia ki shnong ki thaw ym dei tang mynta ka sngi, hynrei ka dei ka kamram ba manla ka sngi da uwei pa kawei ban don ka jingkit khlieh ha lade shimet ka jingpynkhuid ne lehkhuid ka dei ban long man la ka sngi bad ka jingia tylli lang ka long kaba donkam eh ha ka jingiadei bad ka jingpynneh pynsah ia ka khuid ka suba ha ki iew ki hat, ki shnong ki thaw bad kiwei de ki jaka.
Ki la ong ruh ba dei ban lehkhuid ha ki jaka iew ne ha kino kino ki jaka kumba leh khuid ha ki ïing ki sem bad khamtam eh ia ka iew musiang kaba dei ka pliang ja jong ki nong Jaintia, ki dei ban sumar khuid ia ka, ym dei ban wan rah ia ki ñiut ki jakhlia na la ïing bad wan bret ia ki ha iew.
