Mynta ka sngi (25/11/2021) ka khlieh nong bishar jong ka ïing kashari i M. Kharsyntiew MJS, Chief Judicial Magistrate cum Secretary, District Legal Service Authority, West Jaintia Hills District, kala pynlong ia ka Legal Awareness Program for women ha Dorbar Hall Namdong-B, bad da ki spah ngut ki long kmie kila wan ban iashim bynta ha kane ka awareness program na ka bynta ban tip ia ka hok jong ki kynthei ha ka im lang sah lang, bad la wan ban sakhi lang ruh da ki katto katne ngut ki long kpa jong ka shnong Namdong.
Ia kane ka program la pyniaid da i Chief Judicial Magistrate cum Secretary i kong M. Kharsyntiew MJS bad la ioh ia ka jingkren pdiang burom na u ma D.S. War Waheh Shnong Namdong, uba la pynpaw ia ka jing kmen kaba khraw ban don kum kine ki prokram khnang ba ki long kmie bad ki khun kynthei jong ka shnong kin ioh ia ka Jing tip halor ka hok jong ki.
La ioh ia ka jingkren bad ka jingbatai ha kaba iadei bad ka hok jong ki kynthei na i nong iasaid aiñ (advocate) kong Melody War bad kumjuh ruh na i kong Annie Sohtun, Coordinator Meghalaya State Commission for women.
Ha kane ka awareness program na ka liang jong ki long kmie kiba wan ban iashim bynta kila sngap hi dngong bad kila shim bynta ha kaba kylli jingkylli ha ka ba iadei bad ka hok long briew man briew jong ki kynthei. La ioh ia kane kyntien ai khublei (vote of thank) na u ma John Paul Lipon, Para Legal Volunteer.
