Ki bor pyniaid District ka West Jaiñtia ryngkat ka Jowai Municipal Board lem bad ka Dorbar Chnong Tympang Iawmusiang, Jowai kila iashim bynta lang ha kaba pynkhuid ia ki bynta jong ka Iawmusiang mynta ka sngi (30/09/2022).
Kane ka jingpynkhuid Shnong ka long shi bynta na ka jingrakhe kynmaw ia ka sngikha u Mahatma Gandhi (Gandhi Jayanti). Namar ba kane ka sngi 2 tarik u Risaw ka hap ha ka sngi Sunday, kumta la pynlong ia kane ka prokram mynta ka sngi.
Ha kane ka sngi la iashim bynta ruh da ki nongshong Shnong ka Tympang Iawmusiang, ki nongshong ïew bad ki nongshong dukan kiba don ha ki ïew jong ka CNI, Seinraij, Jowai Presbyterian (Iaw chyiap) bad ki bynta ba marjan.
Ia kane ka jingpynkhuid la plie sdang da u Additional Deputy Commissioner P K Boro , MCS.
Ka la don ruh ka jingpynkhuid ia ki rud jong ka ophis u DC da ki nongrep ophis.