Halor ka jingshah siat jong u Donald Trump President barim ka ri America, ka la saphriang ka jingkren jong uwei u Nongialap Niam, u Christ Reed uba dei na ka kynhun Morning Star Ministry ba la pyni paidbah ha ka 10 tarik Lber 2024 ha ka YouTube channel ha kaba ka jingkren jong u Reed ha kawei ka jingiaseng, u la ong ba u iohi ba ki don kiba thmu ban shim noh ia ka jingim jong u Donald Trump da kaba shu siat iap, hynrei u la ong ba U Blei, u la khanglad noh ia katei ka jingthmu kaba sniew ban pyniap noh ia u Donald Trump.
Kumban shu pynkynmaw u Donald Trump President barim ka USA u la shah siat shi kuli, ha kaba u kuli u la dei beit ha ka shkor ka mon jong u. Katei ka sngi kaba u Donald Trump u pynlong jingialang paidbah ha Butler Pennsylvania ha ka miet sngi Saitjain.