Ka lympung ïalehkai phutbol Independence Day Cub Under-17 Football Tournament 2023 bala pynïaid da ka West Jaiñtia District Sports Association (WJDSA) kaba la long mynta ka sngi ha madan Kiang Nangbah Stadium, Dongmihsngi Jowai.
Ha ka jingïakhun kaba nyngkong ka ka Ladthadlaboh kala pynliem da 6-0 kol ïa ka Salaroh, ïa ki kol na ka Ladthadlaboh la thep da u Help me Syntem ha ka minit ba 7, u Chanmi Phawa ha ka minit ba 15, u Alfred Dkhar ha ka minit ba 34, u Kyntulang Nongwa ar kol ha ka minit ba 35 & 54 bad u Marbudki Dkhar ha ka minit ba 60+2.
Ha ka jingïakhun kaba ar kila poi sha ka jingïakhaid da mae 2-2 kol hapdeng ka Khimusniang pyrshah ïa ka Catholic Youth, ïa ki kol na ka Khimusniang la thep da u Heiminmiki Dkhar ha ka minit ba 24 & 40, katba na ka Catholic Youth la thep da u Donal Phawa ha ka minit ba 13 bad u Kyrshon Suchen ha ka minit ba 16.
Ka jingïakhun lashai ka sngi 22 tarik kan long hapdeng ka Mukhla Raij pyrshah ïa ka Evergreen Mukhla ha ka por 1 baje shiteng nohphai sngi, katba ka Dulong kan ïakhun pyrshah ïa ka Mulang Ialong ha ka por 3 baje nohphai sngi.