U wei na ki heh sorkar ba hakhmat jong ka ri Russia u Boris Bondarev uba dei u nongmihkhmat jong ka Russia sha ka UN ula iehnoh kam ialade hynnin ka sngi tang namar ka jingbym sngewhun halor ka jinghiarthma ia ka ri Ukraine.
U Bondarev ula phah ia ka shithi iehnohkam jong u hynnin ka sngi sha ka UN ban pyntip ba ula iehnoh ia ka kam kaba u bat kum u dkhot hapoh ka UN kaba don ha Geneva jong ka ri Switzerland. Ha ka shithi u la pynpaw ka jingsngewlehrain iala ka jong ka ri halor ka jinghiar thma jong ka ia ka ri Ukraine ka ba la jia naduh ka 24 tarik u Rymphang mynta ka snem.
U ne u heh sorkar ula ong ba kane ka jinghiar thma jong u Vladimir Putin ia ka ri Ukraine kam shym la ktah tang ia ki nong Ukraine hynrei ka ktah jur ruh wat ia ki nong Russia hi. Ula kynnoh ha ka shithi iehnoh kam jong u, ba kiba donkti ha ka jinghiar thma ia ka Ukraine ki kwah tang ban ioh bat ia ka bor synshar ba shilynter bad ki jingmyntoi shimet jong ki.