U General Pervez Musharraf uba la 79 snem ka rta uba dei u Prisident ba rim ka ri Pakistan ula khlad noh mynta ka step ha nongbah Dubai hadien ba ula thiah pang ha Hospital na ka jingshitom jong u.
Ia ka met ba dang sah jong u Musharraf yn sa leit kit lashai ka sngi da ka lieng suiñ ba kyrpang kaba yn sa phah da ka sorkar Pakistan sha Dubai.
Ia ka met jong u Musharraf yn sa tep ha nongbah Karachi, ha ka jaka ba la tep lang ia ki kmie ki kpa jong u.
Kum ban shu pynkynmaw ia u General Pervez Musharraf la kha ha nongbah Delhi, hynrei ki kmie ki kpa jong u kila kynriah noh sha Karachi (Pakistan) ha ka por jong ka jingiaphiah (Partition) hapdeng ka India bad Pakistan.