Sa shisien biang u Conrad K Sangma ula ioh ban bat biang ia ka shuki rangbahduh ka Party ne kum u National President jong ka Party NPP hapoh ka ri. Ia kane ka jingshah jied biang ia u Conrad la pynlong ha ka Annual General Body Meeting bad Organisational Election 2025-28 kaba la pynlong ha nongbah New Delhi ha ka 15 tarik mynta u bnai.
U Conrad ula ioh biang ia kane ka shuki khlem don ba ialeh pyrshah ha ka elekshon jong ka Party na ka bynta ka samoi treikam ba lai snem jong u snem 2025-28.
Na ka liang jong u President ba thymmai ka Party u Conrad K Sangma u la pynbna ba shen yn sa pynbna ia ki dkhot jong ka National Committee 2025-28.