Ha ka step jong ka 9 tarik u Nailar ka Hynniewtrep Youth Council (HYC), ka la ioh bat haduh 15 ngut ki Nongdih Droks, na Civil Hospital Shillong, 2 ngut na kitei ki dei ki nongkhaïi ba shyrkhei, katba 13 ngut pat ki dei kiba ju dih Drok.
Ha ka jingkynra jong ka seng, na kitei ki nongkhaïi bad nongdih la lap haduh 14 tylli ki mobile phone, ki drok ba la thep ha ki bitor, ki Thyrnia Inject, ryngkat ki pisa khynthup ia ki ATM card, ki tiar pynmynsaw kum ki blade, Tari bad kiwei kiwei.
Na katei ka jinglap jong ka seng don ruh uwei napdeng kiba dih drok, u ba la phla ba ha ka por ba wan u covid 19, u Drok u la sdang duna namar ba ki briew kim ioh lad shuh ban thied, hynrei mar shukut ka covid ki nongdie Drok ki la sdang ban pynhiar dor, khnang ban khring ia ki samla ban pynngop, hynrei tang katto katne por hadien ba ki la ngop bun, ki nongdie ki pynkiew noh sha ka sanspah tyngka.
U la ong ba ka jingbym donkam donjam hadien, ba la pyndep ia ka jingpule ka daw ba pynlong ban ngop, ha u Drok, ka dei ha man ba ki apply kam, kim ju ioh, namar ki don ki kam kiba la don briew lypa. Da ka jingbymdonkam bad ban lait na jingkhuslai, kim banse ban dih droks ban lait na ki jing khuslai jingmut. U ong ruh ba ki don ki langiong kiba khaïi ia u drok.
Hadien katei ka seng ka la thang noh ia baroh ki drok khynthup ia ki thyrnia Inject.
Ha ka juh ka sngi ka HYC kala leit ban iakynduh ia ka DHS na ka bynta ban dawa pynkynriah noh ia ka Oral Substitutions Theraphy Centre (OST) kaba don ha Civil Hospital Shillong, namar ba kane ka jaka kala kylla long pynban kum ka kthem jong ki nongdie bad nongkhaïi drok.
Ia kane ka seng kala por hapoh shitaiew ia ka DHS ban leh ia kane ka kam.
