Ka Khasi Students’ Union (KSU) bad ka Federation of Khasi Jaiñtia & Garo People (FKJGP) ha kane ka 15 tarik, u Lber, 2025 kila ïoh bat ïa ki 4 ngut ki bar jylla kiba kam ïalade ba ki dei na ka jylla Assam da ka jingthmu ban leit sha shnong Sohmynting, West Jaiñtia Hills khlem don ki kot ki sla kiba biang.
Ha kane ka jingïoh bat ïa kitei ki bar jylla la don lang da u L. Dhar, Vice President Jowai Unit bad u M. Pyrtuh uba dei u General Secretary FKJGP Thadlaskeiñ Block ha ryngkat ki dkhot ka KSU Jowai Unit.
Hadien bala ïoh bat ïa kitei ki saw ngut ki bar jylla la phah pynphai noh ïa ki sha ka jaka ba ki wan. Ha ka juh ka por kine ki ar seng kila maham ruh ba kim dei ban wan shuh shapoh ka jylla jong ka bri u hynñiewtrep khlem ki kot ki sla ba biang, pynkut ka kyrwoh na u Daohipaia Langstang, Publicity Secretary ka KSU Jowai Circle.