U Deputy Commissioner (Supply), West Jaintia Hills ma Garod LSN Dykes, IAS, ula pyntip ba ka sorkar India kala pdiang ban pyllait tam sa 60 lak tylli ki LPG hapoh ka skhim Pradhan Mantri Ujjwala 2.0 (Phase-2) na ka bynta ban sam sha ki longkmie kiba don hapdeng ka jingduna ka ioh ka kot hapoh ka ri India. Ka West Jaintia Hills District ka dei ka wei na ki District kiba ioh lem ia kane ka bhah na ka sorkar India.
Ha kaba iadei bad kane skhim u DC ula bthah ia ki ophisar jong u ba kynthup ia ka Sub-Divisional Officer (Civil) Amlarem Sub-Division bad ia ki Block Development Officer ka District ban kin jied ia kito ki longkmie kiba don hapdeng ka jingduna ka ioh ka kot hapoh ka thaiñ jong ki da ka jingiatreilang bad ki Waheh Shnong, khnang ba yn lah ban pynioh ia ki ia katei ka skhim sorkar.