Ka prokram ai jinghikai ban thaw ïa ka network jong ki paralegal volunteer la pynlong naduh ka 21 haduh ka 24 tarik u Naiweng, 2024, ha Samanlang Socio-Cultural Pastoral Centre, Jowai. La pynlong da ka Social Action for Human Rights (SAFHR) ryngkat ka jingiatreilang bad ka Manos Unidas, Spain, bad ka Labour and Migrant Commission, Jowai Diocese, ha kane ka sngi la wan ban iashim bynta lang haduh 51 ngut ki nongshah hikai na ki District jong ka West bad East Jaintia Hills. Ki nongiashim bynta, kynthup ia ki nongtrei imlang sahlang, ki rangbah shnong, bad ki samla pule, la hikai ia ki hok aiñ, ki skhim jingiarap, bad ki jingtbit ban iasaid ban kyrshan ia ki jaitbynriew kiba shah iehnoh bein.
Ia kane ka prokram la plie paidbah ha ka 22 tarik u Naiweng, 2024, ha kaba u kongsan, u Ferdinand B. Basan, MCS, Additional Deputy Commissioner ka West Jaintia Hills, u la ban jur ia ka jingdonkam jong ki skhim jingiarap jong ka sorkar na ka bynta ki jaidbynriew ba shah iehnoh bein. U Most Rev. Ferdinand Dkhar uba dei u Bishop jong ka Jingïaseng Jowai u la pynpaw ïa ka jingkordor jong ka jingnang jingstad ha ka liang ka aiñ ha kaba pynkup bor ïa ki nongshong shnong.
Ka jinghikai ka la banjur ia ki phang ba kongsan kum ki aiñ iada ia ki khynnah, ki rukom ai jingiarap lyngba ki aiñ, ka hok ban ioh jingtip (RTI), bad ki skhim jingiarap kum ka MGNREGA. Ki nongkren kiba kongsan ki kynthup ïa ka Rimaya Manar, ka Jimmy Pdang bad u Sr. Shobha KP, Advocate and Director of SAFHR. Kane ka jingthmu ka long ban pynkup bor ia ki jaidbynriew hapoh ka Jaintia Hills Autonomous District Council, kaba pynlah ia ki ban iaid lyngba ia ki rukom treikam aiñ bad ban ioh ia ka jingkyrshan ba kongsan jong ka bha ka miat.