Kumba 200 tylli ki longïing kiba don ha ka shnong Wapung Skur, Wapung Shnong bad ha shnong Ladrymbai kila ioh ia ka jingiarap lyngba ka kong Jhanika Siangshai.
Ka kong Jhanika Siangshai ka dei ka President jong ka Mahila Congress Committee, East Jaintia Hills. Haba ka iohi ia ka jingeh kaba kitei ki longïing ki iakynduh kala dap da ka mynsiem kaba sngewkhia bad jingsngewsynei ia ki, na ka daw jong ka jingiakynduh jingeh jong ki na ka jingwan lynshop jong ka khlam Covid-19 kaba la ktah lut ia ka kamai ka kajih ba man ka sngi jong ki.
Kumta ha ka 23 tarik mynta u bnai kala shim ia ka rai ban pynioh jingiarap ia kitei ki longïing ha kitei ki 3 tylli ki shnong lyngba u khaw bad ki wei de ki jingbam ba donkam. Na ka liang jong kine ki longïing kila pynpaw ka jingsngewnguh ia ka kong Siangshai kaba la kner ia ka kti kamon kti kadiang jong ka ha ka ban iarap kylluid mynsiem ia ki.
