Da ki spah ngut ki khynnah pule jong ka thaiñ war jaiñtia ki la ioh jingmyntoi shibun da kaba wan ia shimbynta ha ka Career Guidance Counselling ba la pynlong da ka KSU-War Jaiñtia Circle ha Amlarem kaba la pynlong ha ka 4 Tarik Jymmang 2024.
Ha kane ka sngi la wan ai jingkren bad jinghikai da ki Assitant Professors kiba kynthup ia i Dr. Chanlemki Lanong, i Dr. Kermi U Tariang, Mr. Sashi Teibor Laloo, i Miss Badapbiang Dkhar Tariang bad i bah Batkupar Nongkhlaw.
Ha kane ka Career Guidance Counseling la ai jingpynshai ia ki khynnah pule ha ka ban jied ia ki laiñ pule ha ka Arts, Science & Commerce streams bad baroh ki scopes kiba don hapoh kitei ki laiñ pule.
Nalor, kitei la ai jingpynshai ruh ha ba ia dei bad ki Competitive Exams kum ka UPSC, MPSC, SSC bad kiwei kiwei ki jait Exam kiba pynmyntoi ia ki khynnah pule.
Ka KSU ka ai khublei ia baroh kiba la shimbynta ha kane ka program khamtam ia ki kmie ki kpa jong ki khynnah pule bad baroh kito kiba la ai jingkyrshan ia ka seng ban pynlong ia katei ka prokram ka ba jop.
Ka KSU ka kitbok kitrwiang ia baroh ki khynnah pule ka bri u hynñiew trep ba ap result Matric bad Class 12 jong ki, ba kin ioh kheit ia u soh jong ka jingtrei shitom bad minot thop ka jong ki.
Kane ka long katkum ka kyrwoh ba la phah da u Lop Khonglah, President ka KSU War Jaiñtia Cicle.
