Ka jingiaid bud dien jong ka ophis treikam Deputy Commissioner (Excise), East Khasi Hills District ban khynra ia ka jingdie beaiñ ia ka kyiad ha ki resturan bad kiwei de ki dukan hapoh ka nongbah Shillong bad ki bynta ba marjan ka nongbah, tang hapoh u bnai Naiwieng, ka tnat kala ioh ban kurup haduh 13 kes ki kyiad bad kurup haduh 43.700 litar ka yiad pyrsi bad 23.240 litar ka kyiad IMFL.
Ha ka jingiadei bad kane ka tnat Excise ka la ioh ban kem 11 ngut ki briew kiba don bynta bad ia kine ki briew la pynngat hapoh ka kyndon aiñ jong ka Excise Act.