Ki pulit jong ka East Jaintia Hills District hadien ba la ioh jingtip ba thikna ba don kawei ka briew kaba dei ka nong supply Dugs ka Maya Gwala kaba juh khot ka Pukshi kala phah rah ia u Drugs ha ki ar ngut ki shynrang kiba kynthup ia u Pasar Udin na Emersoan Ghat, Polo Shillong bad u Dipak Baidya ba shong ba sah ha Polo hajan ka Tenjing Resturant Shillong, na ka bynta ban pynpoi ia utei u drugs na Silchar sha Shillong ha ka Bus kamai kaba don ia u number AS01-FC-8199, kumta na ka liang ki pulit kiba la ap shrip ia kane ka bus bad ha ka por kumba 1:30 mynstep phyrngap ki pulit ki la ioh bat ia kane ka bus ha ka shnong Umtyra EJHD.
Ha ka jingtalsi na ki beg jong kitei ki ar ngut ba don ha katei ka bus kiba la suba jur, ki pulit ki la lap khyndai tylli ki synduk sabon kiba don ia u powder rong kyllastem bad hadein ba la tohkit la lap bad pynshisha ba u dei u Heroin uba khia haduh 100.56 grams.
Shuh shuh ha ka jingiadei bad kane ka kam khaii drugs ki Police jong ka EJHD kila leit sha nongbah Shillong ban kem ia ka Pukshi kaba dei kawei na ki radbah ha kane ka kam, ia kane ka longkmie la kem na iing sah jong ka ha Polo Shillong, da ka jingiarap jong ki nongtrei ka Pasteur Beat House bad ANTF East Khasi Hills bad hadien kane la rah ia ka sha Khliehriat PS.
Ia ka case la register ha Khliehriat PS hapoh ka NDPS Act bad ia ka jingtohkit ka dang iaid sha khmat ban lap shuh shuh ia kiba donkti ha kum kane ka kam kahïi drugs.
