Ka “Rimdogittanga”, ka dei ka phlim ha ka ktien Garo, kaba la direk da u Dominic Megam Sangma, ka la ioh ia ka khusnam Best Garo Film ha ka National Film Awards kaba 71 na ka bynta u snem 2023. Ia kane ka phlim la pynmih da ka Anna Films, Uncombed Buddha, bad ka Joicy Studio, kane ka phlim ka la ioh ia ka khusnam Rajat Kamal bad ka song tyngka kaba T. 2,00,000/- (Ar Lak).
Ka “12th Fail” ka la shah pynkup burom da ka khusnam Best Feature Film ha ka National Film Awards kaba 71.
Ka phlim “Flowering Man” ka la ïoh ïa ka khusnam Best Non-Feature Film, katba ka God Vulture and Human ka la ïoh ïa ka jingithuh kum ka Best Documentary. Baroh ar tylli ki phlim ki la ioh ia ka khusnam National Film Award ba nyngkong eh jong ki.
Katba u Shah Rukh Khan (Jawan) bad u Vikrant Massey (12th Fail) ki la ioh ia ka khusnam Best Actor. Kane ka dei ka National Film Award kaba nyngkong eh jong u Sharukh Khan ha ka jingim jong u.
