Hynnin ka sngi Saitjain, hadien ka jingioh jingtip ba thikna ki Pulit, ba kawei ka kali Bolero kaba don ia u Registration No. AS 19 E 0671 kaba suba kit ia u drugs, kumta na ka liang ka kynhun jong ka ANTF ryngkat ki Pulit Ladrymbai OP kila pynlong ia ka jingpynap shrip ia kane ka kali ha Umtyra Infiltration check gate bad kila ioh ruh ban bat ia katei ka kali ha ka por kumba 7 baje janmiet.
Ha ka jingkhynra ia katei ka kali ki Pulit ki la ioh haduh 6 tylli ki synduk bad hapoh kine ki synduk la thep ia u Drugs Heroin uba don ka jingkhia haduh 59.86 grams. Ha ka jingiadei bad kane ki pulit ki la kem ia ki lai ngut ki briew na kane ka kali Bolero kiba kynthup ia u Altab Hussain, Anwar Hussain bad u Pranjal Das.