Ki Pulit ka East Khasi Hills hynne ka sngi ka 5 tarik Nailar 2025 ki la ioh ban kurup ia san tylli ki Nitro Air Gun, ki tactical vest bad ki walkie talkie, bad ki la kem noh ïa u trai ki lai tylli ki kali kiba kynthup naduh ka Audi, ka Innova bad ka Scorpio.
ki Pulit ki la kem noh ia u trai jong kine ki 3 tylli ki kali ba la tip kyrteng kum u Mebanshai Snaitang ha ryngkat bad ki nongbud jong u kiba phong ïong kum ki pulit bad la rah noh sha thanad Sardar ban pynlong shuh shuh ia ka jingtohkit.
Ki pulit ki la kurup ïa ki Nitro Air Gun ki tactical vest, ki walkie talkie nalor kiwei ki tiar na ka kali Scorpio kaba don ïa u Registration Number ML05 AF 0309.
Ïa kine ki kali la bat ha ka por 3 baje nohphai sngi jong ka 05 tarik u Nailur, 2025.
U Mebanshai Snaitang u dei ruh uba la iaid bha ha ka thaiñ Mawhati namar udei uba thmu ban Ïakhun ïa ka Elekshon MLA ha u snem 2028.
