Hadien ba ki Pulit jong ka East Jaintia Hills District, Khliehriat ki la ioh ia ka jingtip kaba thikna ba ha ka janmiet jong ka 31.07.2023 don ar ngut ki briew kiba wan da ka kali Alto ba don ia u register number AS23 J 0171, kaba wan na ki thaiñ jong ka jylla Tripura bad kaba thmu ban leit sha nongbah Shillong bad kitei kiba don ha katei ka kali la suba jur ba ki la kit lang bad u kynja jingdih pynbuaid uba long beaiñ, kumta ki pulit ki la pynlong ka jingap shrip ia kane ka kali ha kaba ki la ioh ban bat ia ka ha ka shnong Umtyra jong ka East Jaintia Hills District.
Ha ka jingkhynra na kitei ki ar ngut ki pulit ki la ioh kurup haduh 37 packet u Kynja ne u Bhang uba la song bha bad buhrieh bha ha ki bynta bapher bapher jong katei ka kali kaba ki pyndonkam, ia utei u Kynja ba la ioh kurup u dei uba khia haduh 47.157 kilo, ki pulit ki la kurup ruh ia ka pisa kaba 10530 tyngka, ar tylli ki mobile phonebad katei ka kali Alto.
Ka kyrteng kitei ki ar ngut kiba la ioh kem ki dei u Shir Debbarma 37 senm ka rta uba shong ba sah ha Ashigarh, West Tripura District bad u Pradip Debbarma 32 snem na Ram Durga, jong ka West Tripura District.
Ia ka case halor kine ki ar ngut la register ha Khliehriat Poloce Station bad ka jingtohkit ban lap ksai shuh halor kane ka kam khaii ia kum une u kynjingdih pynbuaid uba long beaiñ ka dang iaid sha khmat.