Myn haka 22 tarik mynta u bnai ka Iooksi Pyllun kaba kynthup iaki 5 tylli ki Shnong kiba hap hapoh ka Shnong Iooksi kum ka Iooksi Iapkhla, Iooksi Kyanmynsar, Iooksi Priang, Iooksi Umdeinlin, bad Iooksi Tongkiad, ka la ioh iaki nongkitkam ba pura jong ka naka bynta ka samoi treikam 2021-22.Iakine ki nongkitkam jong ka Iooksi Pyllun la pynshkem bad Pynsmai haka 22 tarik hi mynta u bnai da u Raphael Rabon uba dei u samla Rangbah na ka shnong hi.
Haba ai jingkren haka jingialang pynshkem iakine ki nongkitkam ka Iooksi Pyllun, u samla Raphel Rabon u la iaroh iaki nongkitkam ka Iooksi Pyllun kiba la shah pynshkem halor ka jingiohi jngai ka jong ki ban wanrah iaka jingiatylli hapdeng ki nongshong shnong ka Iooksi baroh kawei. Ula ong ruh ba ka Shnong Iooksi ka donbok ban ioh ia kum kine ki nongialam kiba pyrkhat jngai bad kiba saindur iaka shnong ka thaw dakaba pynduh nyngkong iaka jingsngew iapher dong bad jingsngew iapher jingngeit.Ula Kyrkhu kyrdoh iaki Nongialam bad ula kyntu ruh hakajuh ka por iaki paidbah Nongshong Shnong ba kimdei ban kynnoh sha surok iaka jingbakla ki nongialam hynrei ia kaei kaba kim sngewthuh ne sngewtynnad kidei ban pyni bad kren markhmat haki nongialam khnang ba ka Shnong kan kiew shaphrang.
Hakane ka sngi la ioh ruh iaka jingpyllait iaka Sur jingrwai Snem Thymmai jong ka shnong Iooksi Pyllun da u ma Nehemaya Tyngkan bad la pynshong shit ruh iaki paidbah daka jingrwai naka Hilari Sumer kaba dei ka Finalist haka Jaintia Got Talent 2021, nangta la pynshong shit shuh shuh iaki paidbah daka jingtem naka kynhun u DJ Wanchan.
Hakane ka sngi la pyllong ruh iaka Program Rakhe Advance Christmas bad New Year hakaba la ioh iaka jingsam iaka khubor Khrismas na u Pastor Emlangki Sapuh bad Jingduwai na I sister bad la ioh ruh iaka jingot cake Christmas bad dihsha sngewbha.
Ki Nongialam ba shah jied ka Iooksi Pyllun ki long kumne harum:Leonard Rabon Waheh Chnong Iooksi Kyanmynsar kum u President, Ma Complain Tangliang Waheh Chnong Iooksi Iapkhla kum u Secretary, Ma Kyrshan Chullet Waheh Chnong Iooksi Priang kum u Vice President, Ma Kolin Lamare Waheh Chnong Iooksi Tongkiad kum u Asst Secretary, Ma Nangaibormi Sutnga Waheh Chnong Iooksi Umdeinlin kum u Publicity Secretary, Francis Syrti Secretary Iooksi Shnong Iooksi Kyanmynsar kum u Treasure, Stableson Syiem Secretary Shnong Iooksi Umdeinlin kum u Auditor, Ma Elisha Sayoo Secretary Shnong ka Iooksi Priang kum u Auditor, bad ki dkhot ki long u Ma F Synnah Secretary Shnong Iooksi Tongkiad, bad ma Ioanis Manner Secretary Shnong Iooksi Iapkhla.