Ka Rumshnong Youth Club Bataw (RYCB) kawei na ki kynhun ban pynkiew ïa ka sap ka phong ki samla ha ka kam ïalehkai phutbol ïa kaba la seng naduh u snem 1967 kala pynlong ïa ka Dorbar Pyllun na ka bynta ban jied ïa ki Nongkitkam bad ki Dkhot ka Executive Committee ba thymmai jong u snem 2023-2026 kaba la long haka 7/10/2023 ha ïing Dorbar Hall jong ka Club.
Ka Dorbar kala jied biang ïa u Deihok Sumer kum u President kumjuh ïa u Ampli Rupsi kum u General Secretary. La jied ïa u Omega Sumer (Vice President), u Maianmi Rupsi (Assistant Secretary), u Winelson Lyngdoh (Treasurer), u Letmihun Tariang (Finance Secretary), u Niki Lyngdoh (Sports Secretary), Auditors, u Onickson Sumer bad u Jamki Rupsi.
La jied ruh ïa ki dkhot ka Executive Members kiba kynthup ïa u Ejoplang Suchen, u Andriew Pajat, u Sngewhame Sumer, u Minot Suchen, u Klemen Pajat, u Almighty Biam. Na ki khynthei la jied ïa ka Rimi Lakhi, ka Leki Biam bad ka Newmon Suchen.
Ka Rumshnong Youth Club kala rai ban pynlong ïa ka shlem ïalehkai phutbol kaba la ai kyrteng ka “2nd RYC Bataw Knockout Football Tournament 2023” bad kane ka lympung kan sdang ha u bnai November, ïa ki jingtip ba bniah yn sa ai jingtip hadien.