Ka Asha School kaba dei ka skul ba kyrpang na ka bynta ki heprit kiba don jingduna ha ki dkhot met kaba don ha 58 GTC, Them Basuk ka la ioh ia ka wei ka kali ban kit ia ki khynnah skul kiba don jingduna ha ki dkhot met.
Ia kane ka kali la aiti da u Major General Rajesh Jha, AVSM(Retd.), Director (Personnel), NEEPCO, u Lt. Gen. Sanjay Malik – GOC – 101, Ms. Elbin Deepika Doley ,General Manager (CSR), Ms. Ipsita Ghosh – Principal, Asha School, Happy Valley bad kiwei pat ki heh shipai jong ka 58 GTC, 101 bad ki nongmihkhmat ka NEEPCO.
Ka Asha School kadei ka skul ba la seng kyrpang na ka bynta ki heprit na ki shnong ba marjan bad ki shipai kiba don hapdeng ka jingdonkam ba kyrpang ka jong ki.
Kane ka program kadei kaba kyrpang jong ka NEEPCO’s Corporate Social Responsibility (CSR) bad ka jingthmu ka long ban pyniar bad ban sei ki lad ia ki heprit bad bteng ia ki jingpule jong ki.
Na ka liang ki nongkren, kim lah khlem da pyrto ia ki kam bakhraw ba ki nonghikai ki la don bynta ha ka ban ai jingshakri ia ki heprit bad ki la ong ba nangne shakhmat yn peit ba kane ka skul kan kiew sted ha ki jingpule bad ban pynbiang ia ki jingdonkam jong ki heprit.
