Ka Dorbar shnong Nongrah mynta ka sngi ka 9 tarik Naiwieng 2024 la ioh pdiang ia ka kali kit ñiut lyngba ka Khasi Hills Autonomous District Council solid waste management act 2020.
Ia kane ka truck kit ñiut la wan ban pyllait paidbah da u CEM jong ka District Council u Bah Pyniaid Sing Syiem ha ka jingdon ryngkat lem ki Rangbah Shnong, ki seng longkmie, ki seng samla bad ki paidbah nongshong shnong.
Ka jingioh jong ka Dorbar shnong Nongrah ia kane ka kali ñiut ka dei hadien ba ki nongialam ki la pynpaw jingeh sha u CEM jong ka KHADC bad na ka liang jong u khlem da pynslem u la ioh ban pynioh ia kane ka kali kit ñiut.
Haba kren ha kane ka sngi na ka liang u CEM jong ka KHADC u la ong namar ka jingud jingnam jong ki paidbah nongshong shnong bad u la ong ba nangne shakhmat un sa shna pybha noh ia ki lynti iaid ki footpath, ki surok, ki umbam umdih bad kiwei kiwei na ka bynta ka jingbha bad shongsuk jong ki paidbah nongshong shnong kane ka thaiñ Nongrah baroh kawei.
