Uwei u Nongrep na West Jaiñtia Hills District uba tip kyrteng kum u Bah Iowluti Ymbon naka shnong Mukhap, Laskeiñ Block, West Jaiñtia Hills District u la ïoh ban pdiang ïa ka khusnam “Innovative Farmers Award” 2025 haka Regional Agriculture Fair ba la pynlong daka Assam Agricultural University ha Jorhat.
Ïa kane ka Khusnam la ai da u Atul Bora, Myntri jong ka kam rep kam riang bad ka kam ri jingri jong ka jylla Assam, u Kamakhya Prasad Tasa, Member of Parliament na Kaziranga Constituency, Assam bad U Dr. Bidyut C Deka, Vice Chancellor jong ka Assam Agricultural University.
Une u nongrep ula don bynta ban ïatreilang bad ka Krishi Vigyan Kendra, Jaiñtia Hills ha ki kam ba ïadei bad ka kam rep kam riang bad kham kongsan eh bad ka kam ri jingri. Ka jingjied (Nominate) ïa une u nongrep ruh ka ïaid lyngba ka office jong ka Krishi Vigyan Kendra, Jaiñtia Hills.
Ha kane ka sngi kaba khraw, lah synran lang ïa u bah I. Ymbon da i Subject Matter Specialist (AH &Vety.) Dr. Rimiki Suchiang, Senior Research Fellow F. Sutnga bad u K Passahna KVK Jaiñtia Hills.