Ka Jaintia Hills Truck Owners’ Association (JHTOA) kawei na ka seng jong ki trai truck ka Rilum Jaiñtia ka ba peit ia ki jingeh jong ki trai kali mynta ka sngi ki la jied ia u ma Biangshwa Shylla kum u President ba thymmai jong ka seng.
Mynta ka sngi ki dkhot kiwan haduh 195 vote bad u ma Biangshwa Shylla u la ioh 108 u ma Balen Thubru u la ioh 63 vote ma Kyrshan Dkhar 20 vote bad 4 vote kaba long invalid.
Kum ban shu pynkynmaw ba ha ka 11 tarik ka jingthmu ban jied President kala pulom noh naka daw jong ka jingkulmar bad ka Election Committee kala rai biang ban jied mynta ka sngi 18 tarik bad kane ka jingiajied kala long ka ba iaid beit iaid ryntih hadein ba la pyniaid da ka HITO bad ka Dorbar Shnong Phramer ha ka jingiadon u President Rangbah ka HITO u Donbok Dkhar kumjuh ki dkhot ka seng na East bad West Jaintia Hills.
Naka liang ka Seng kala kit bok kit rwiang ia u President ba thymmai ka JHTOA.