Ka North Eastern Regional Load Despatch Centre, (NERLDC ) ka wei na ki 5 tylli ki Regional Load Despatch Centre (RLDCs) hapoh ka Grid Controller of India Limited mynta ka sngi kala ioh ia ka khusnam kaba ar ha ka jingpyndonkam ia ka ktien Hindi ha ki jaka trei jong ka na ka bynta u snem 2022-23.
Ia kane ka khusnam la sam ha ka jingialang ‘2nd Annual Meeting’ jong ka TOLIC Shillong-2 kaba la long mynta ka sngi ha ophis NEEPCO, Shillong.
U Shri. Manjeet Chowdhury, Assistant Manager bad u Shri. Subal Das, ki ar ngut ki Engineer jong ka NERLDC, kila wan ban shimti ia kane ka khusnam da ka Shield bad ka Certificate. Ia ka khusnam la sam da u Shri. Badari Yadav, In-Charge (Regional Implementation Office, Guwahati) bad u Shri. Dipankar Baruah, CGM (Technical), NEEPCO.
Ka jingioh ia kane ka khusnam ka long namar ba ka NERLDC kala pyrshang ban pyndonkam da ka ktien Hindi ban treikam hapdeng ki para nongtrei jong ka, kumjuh da kaba pynlong ia ki jingiakop bapher bapher kaba long shi bynta ban kyntiew ia ka ktien lajong hapoh ka ri (Rajbhasha), iathuh ka khubor ba la pyllait da ka NEEPCO mynta ka sngi.