Ki ar tylli ki kynhun kita ka shnong Lakadong Ummat bad ka Shnong Lama kila ioh ban rung sha ka jingialehkai Final ha ka lympung ialehkai jong ka Elaka Lakadong Knockout Football Tournament 2021-22 kaba la pynlong da ka Elaka Lakadong Sports Association (ELSA) ha ka Shnong Borghat mynhynnin ka sngi.
Ka Shnong Lakadong Ummat ka la jop lyngba ka penalty shootout da 3-0 kol pyrshah ia ka Shnong Borghat bad ka Shnong Lama ka la jop ruh lyngba ka penalty shootout da 3-2 kol pyrshah ia ka Lakadong Umlatdoh ha ki jingialehkai semi final.
Kane ka jingiashut penalty ka la wan hadien baroh artylli ki jingialehkai ki la iakhiad da mar 1-1 kol.
Ia ka Final yn pynlong ha ka 26/03/2022 ha Shnong Borghat ha ka por 2 janmiet bad ha kane ka sngi yn don ka prokram penalty shootout ha ka por 11:00 mynstep kum shibynta ban pynbyrgnia ia ki paidbah riewieit phutboll.
