Ki Pulit ka Kynhun State Disaster Response Force (SDRF) Search & Rescue Team (SRT) Fire & Emergency Service bad ki bor pyniaid shnong ha ka por 4 baje janmiet, ki la ioh ban sei ia ka metïap u Dameshshwa Thaba u khynnah uba dang 16 snem ka rta na Shiliang Dongki uba la shah rong ha ka um ha ka 31 tarik Nailar 2025 hadien ba u la ryngkoh sha um ban leit wad ia ka bol kaba la hap ha ka por ba u ialehkai bad ki para khynnah harud jong katei ka Wah Sohïong.
Ha kane ka jingwad ia u Dameshshwa Thabah la iadonlang naduh ki bor pyniaid Shnong, ki Pulit ka tnad State Disaster Response Force, SRT, Fire & Emergency Services kynthup ruh ia u MLA ka Sohïong u Bah Synshar Kupar Roy Lyngdoh Thabah.
Ia ka metïap jong u Dameshwa la pynkit noh sha ïing da ki dkhot ka SRT bad ki nongshong shnong.
Kum ban shu kdew ba u Dameshwa ha ka 28 tarik u Nailar, 2025 ha ka jingkynjoh jong u sha ka jingdap 16 snem u la ioh jingaisngewbha da ka bol.
Ha ka step jong ka 31 tarik Nailar U Dameshshwa Thabah u la sei ia kata ka bol ban leit ialehkai bad ki paralok harud katei ka wah ha Sohïong bad ka bol ka la kum leit hap ha kata ka wah bad da ka jingbynnud u Dameshshwa Thabah u la ryngkoh bad wad ia ka bol bad ki paralok ki la ong ba u la shitom ban ioh namar ka jingheh jong ka um ha katei ka wah bad da ka jingbynnud u Dameshshwa Thabah u la ialeh ban wad ia ka bol bad shah rong syndon ha katei ka wah na ka daw jong ka jingheh palat ka um.
