Ka Ganesh Das Government Maternal and Child Health Hospital, kaba don ha Lawmali Shillong ka la ioh ia ka jingithuh ha ka Ri India da ka jingshah pynkup burom da ka Khusnam ‘Bronze Quality Certification’ lyngba ka Quality Council of India (QCI). Kane ka khusnam ba la ai sha katei ka Jaka sumar ka dei ba hadien ka jinglah jong kane ka Shlem ban treikam katkum ka rukom ba la buh hapoh jong ka Ayushman Bharat Pradhan Mantri Jan Arogya Yojana (AB PM-JAY).
Kane ka jingjop kam dei tang ka burom jong kane ka Hospital hynrei ka long khamtam ka jingnang lah ban pynbha shuh shuh ia ki lad jingsumar sha ki paidbah.
Ka Tnad jong ka Koit ka Khiah ka ai ka jingiaroh ia baroh ki nongtrei bad ki nongialam kiba la trei shitrhem bad iaineh ha ka rukom treikam na ka bynta ban pynneh ia ka jingshakri kaba bha tam sha baroh ki briew kiba ai ka jingshaniah ha kane ka Hospital.
