Katkum ka khubor Pulit bala iohlum mynta ka sngi la iathuh ba hapoh ka jingialam jong u Jimmy Sutnga u wei na ki ba la shah kem halor ki kam die drok, mynta step pat ha ka por kumba lai baje eiei ki Pulit ki la leit ban kem sa ia u Sdangki Myrphet u ba dei u wei na ki nong khaïi drok ba ratbah ha nongbah Jowai.
Haba ki Pulit ki la pynlong ia ka jingkhynra ha ïingsah jong u, ki la ioh bat na ka met jong u 4.61 gram u drok herion bad ka pisa ka ba shong dor Rs. 1,90,500 bad ka wei ka Alto 800 ka bym don number plate.
Nalor kine ki Pulit ki la ioh ban kurup ia ki synduk sabon, ki tin duma golden, ki tyndong ba rit, bad kiwei kiwei de la ioh na u tei u Sdangki Myrphet
Ki Pulit ki la kemnoh ia u bad ki la leh ia ki ba donkam. Tang hapoh jong kane ka taiew ki Pulit jong ka nongbah Jowai ki la ioh ban kurup haduh 6.02 grams kum kine ki jait jingdih pynbuaid.