Ka ophis jong u Deputy Commissioner, East Jaintia Hills District, Khliehriat mynta ka sngi kala pynlong ia ka prokram ba kyrpang na ka bynta ban pynkup burom ia ki Nurse kiba tip kum ki Axiliary Nurse Midwives (ANMs) ha ka kamra trei kam jong u ha Khliehriat.
Ha kane ka jingpynkup burom nalor jong u Deputy Commissioner u Abhilash Baranwal IAS, la iadon lang da u Jonathan Shylla, MCS, Addl. Deputy Commissioner, East Jaintia Hills District, Khliehriat, Dr (Mrs) N. P. Suchiang, District Immunization Officer, I/C East Jaintia Hills District, Khliehriat bad Dr (Mrs). R. Toi, MO I/C Sutnga CHC, nalor kiwei de.
Haba kren ha kane ka jingialang u Abhilash ula ong ba kane ka jingpynkup burom ia ki Nurse ANM ka long ban ithuh ia ka jingtrei shitom jong ki Nurse ANM hapoh ka East Jaintia Hills hi baroh kawei. U ong ruh ba ki ANM kila trei shitom shisha wat hapdeng shibun ki jingeh ba ki iakynduh. Ula iathuh ruh ba na ka liang ka bor District kan ialehshitom ban thaw ki lad ki lynti ban maramot ia kiba bun ki Sub-Centres bad ruh ban pynbiang ia ki tiar jingdonkam hapoh jong kitei ki jaka sumar.
Kham hashwa jong ka prokram u Jonathan Shylla, MCS, Addl. DC, East Jaintia Hills District ula batai shaphang ka jingnoh synniang bad ka jingtrei jong i kong Kijuhi Langstag bad ka kong Manbhadakani Lyngdoh na ka Ryngkoh Sub-Centre, ka kong Leitmon Paslein bad ka kong Agnes Syrti jong ka Samasi Sub-Centre bad ka kong Nidamon Chyrmang jong ka Jalaphet Sub-Cebtre. Ula ong ba kine ki ANM kila pyndep hok iala ka jong ka kam, na ka bynta ban iarap ia ki longkmie bad ruh ka jingsumar kaba biang ia ki khun kiba dang kha. Kum ka dak jong ka jingburom na ka liang u DC ryngkat ki ophisar jong u bad ki Doktor kila ai ki jingai sngewbha sha kine ki ANM jong kine ki lai tylli ki Sub Centres jong ka District.
