–Kyntu u MP ia ki Samla ban long ki nongseng bad nongaikam ym ki nongwad kam–
Mynta ka sngi ka NSS Unit, North Eastern Hill University kala rakhe ia ka lyngkhuh sngi seng nongrim ba 53 jong ka.
Ha kaba iadei bad kane la pynlong ia ka prokram ha Multi-Use Convention Hall, NEHU, Shillong ha kaba u Dr. WR Kharlukhi, MP jong ka Rajya Sabha u long u kongsan.
Haba ai jingkren u Dr. Kharlukhi ula pynpaw ka jingkmen ban ioh iashim bynta lang ha kane ka jingrakhe ia kane ka lyngkhu sngikha jong ka NSS. Ula pynkynmaw ba ma u ruh u long uwei na ki dkhot kiba ju shimkhia bha mynta u dang dong ha ki jingpule jong u. U la iaroh ia ka jingtrei jong ki NSS na ka bynta ban wanrah ia ki prokram bapher bapher na ka bynta ka jingmyntoi jong ki paidbah.
U la kren ruh halor ka jingeh kaba ki samla pule ki ia kynduh hapoh ka jylla haba ka jingjur jong ka jingbymioh kam sorkar ki khun samla. Kumta u kyntu ia ki samla pule ban long kiba trei minot bad trei shitom ban long noh ki nongsengkam bad nongpynioh kam ban ia kaba long ki nongwad kam.
Ula ai ka jingiaroh ia baroh ki Unit jong ka NSS kiba don ha kylleng ki bynta jong ka jylla kiba la poi lang sha kane ka jingrakhe.
Ha kane ka sngi la sam ia ka khusnam University level NSS sha ki Units (Colleges), ki Programme Officers bad ki Volunteers na ka bynta ka jingshakri kaba kila ai sha ka imlang ka sahlang na ka bynta u snem 2022-2023.
Ki nongioh khusnam ki kynthup ia kine harum:
Best NSS Volunteers; Ms Naphisaroi Kharbuli, NSS Unit, NEHU, Shillong, Ms Kerdarilin Khongwir, Lady Keane College, Shillong, Mr Armstrong Lyngdoh, Ri-Bhoi College, Nongpoh, Mr Suklang Paul Kurbah, NSS Unit, NEHU, Shillong and Mr Pyndemlang Lyting, Shillong College, Shillong.
Best NSS Programme Officers; Mrs Iasuklang Kharumnuid, St Mary’s College, Shillong and Mrs Yomica V Syiemlieh, Ri-Bhoi College, Nongpoh.
Best NSS Unit went to Ri-Bhoi College, Nongpoh.
Kiwei de ki kynrem ki lyndan kiba iadon lang ha kane ka prokram ki long Dr. M M Khymdeit, Programme Coordinator, NSS, NEHU, Shri F Rumnong, State NSS Officer, Meghalaya bad Prof P S Shukla, Vice-Chancellor, NEHU, Shillong nalor kiwei de.