Ka lympung ïalehkai phutbol Republic Day Cup, Under-13 Football Tournament 2024 bala pynïaid da ka West Jaiñtia District Sports Association, (WJDSA) Jowai kaba la long mynta ka sngi ha ka jingïakhun ‘Semi Final’ ha madan Kiang Nangbah Stadium Dongmihsngi, Jowai.
Haba phai sha ka jingïakhun ba nyngkong ka kynhun ïalehkai jong ka Sabahmuswang kala lah ban pynliem da 2-1 kol ïa ka Catholic Youth, ïa kitei ki kol na ka Sabahmuswang la thep da u Wandari Lyngdoh haka minit ba 7 bad u Deiwaemitre Shylla haka minit ba 54. Katba ïa ka shikol na ka Catholic Youth la thep da u Wandame Phawa haka minit ba 3.
Ha ka jingïakhun kaba ar na ka liang ka FAM kala lah ban pynliem da 3-1 ïa ka PSA, ïa ki kol na ka FAM la thep da u Dawnihi Shylla haka minit ba 2 bad u Dachanmitre Dkhar haka minit ba 15 & 55. Ïa ka shikol na ka PSA la thep da u Aiborlang Mulieh haka minit ba 29.
La pyntip ba kane ka lympung kala jam sha ka jingïakhun ‘Final’ ka ban long haka 26 tarik u Kyllalyngkot hapdeng ka Sabahmuswang pyrshah ïa ka FAM ki ban knieh ïa ka nam lahduh.