Ka lympung ïalehkai phutbol ki khynnah skul kaba la tip kum ka ‘District Level Inter School Subroto Mukherjee Cup Football Tournament 2024’ bala pynïaid da ka ophis jong u District Sports Officer West Jaiñtia Hills District, Jowai kaba la jam noh sha ka jingïakhun Pre Quarter Final ka ban long lashai ka ngi 14 tarik ha madan Kiang Nangbah Stadium, Jowai.
Haba phai sha ka jingïakhun kaba la long mynta ka sngi 13 tarik u Jylliew haka kyrdan Under-15 (Boys) ka Jowai Public School kala lah ban pynliem da 7-0 kol ïaka Che’s Star H/S School. Ka St. Dominic H/S School kala pynliem da 2-0 kol ïaka Ummulong Presbyterian H/S School.
Ka Rising Hills Sec. School Mowtyrshiah kala pynliem da 1-0 kol ïa ka Jowai Govt. U/P RMSA School. Ka Police Public Sec. School kala jop lyngba ka jingïashut Tie Breaker da 3-1 kol ïaka Seiñraij H/S School.
Katba ka Modern Sec. School kala jop da ka jingïashut Tie Breaker da 4-2 kol ïa ka All Saint Diocesan Sec. School.
Ka jingïakhun Pre Quarter Final lashai ka sngi 14 tarik haka kyrdan U-17 Boys kan don haduh san tylli ki jingïakhun.