Ka lympung ïalehkai phutbol ki khynnah skul kaba la tip kum ka ‘District Level Inter School Subroto Mukherjee Cup Football Tournament 2024’ bala pynïaid da ka ophis jong u District Sports Officer West Jaiñtia Hills District, Jowai kala jam sha ka jingïakhun Quarter Final lashai ka sngi 19 tarik ha madan Kiang Nangbah Stadium, Jowai.
Haba phai sha ka jingïakhun mynta ka sngi 18 tarik haka kyrdan Under-15 (Boys) ka Marian Hills H/S School kala lah ban pynliem da 1-0 kol ïaka Mihmyntdu R.C Eve Sec. School.
Kata ha ka kyrdan U-17 (Girls) ka All Saint Diocesan Sec. School kala pynliem da ka jingïashut Tie Breaker da 3-1 kol ïaka On and On English School. Ka North Liberty H/S School kala pynliem da 2-0 kol ïaka Mihmyntdu R.C Eve Sec School. Ka Govt. Girls H/S School kala pynliem da 3-0 kol ïaka Don Bosco Sec School, Mihmyntdu. Katba ka Kiang Nangbah Govt. H/S School kala pynliem da 1-0 kol ïa ka H.K Singh Memorial Sec. School.
La pyntip ka jingïakhun Quarter Final lashai ka sngi Balang haka kyrdan U-17 Boys kin don saw tylli ki jingïakhun, katba ha ka U-15 (Boys) ka don tang kawei ka jingïakhun.