Ka lympung ïalehkai phutbol ki khynnah skul kaba la tip kum ka ‘District Level Inter School Subroto Mukherjee Cup Football Tournament 2024’ bala pynïaid da ka ophis jong u District Sports Officer West Jaiñtia Hills District, Jowai kaba la long mynta ka sngi 20 tarik ha madan Kiang Nangbah Stadium, Jowai.
Haba phai sha ka jingïakhun Quarter Final mynta ka sngi haka kyrdan Under-15 (Boys) ka Domenic English Sec. School kala lah ban pynliem da 1-0 kol ïaka North Liberty H/S School. Ka St. Dominic H/S School kala pynliem da 6-5 kol ïaka Govt. Boys H/S School da ka jingïashut Tie Breaker. Katba ka Modern Sec. School kala pynliem da 1-0 kol ïaka Mihmyntu R.C Eve. Sec. School.
Ha ka jingïakhun jong ka kyrdan U-17 (Girls) ka Police Public Sec. School kala jop da 5-0 kol ïaka All Saint Diocesan Sec. School. Katba ka Kiang Nangbah Govt. H/S School kala jop da 3-1 kol ïa ka Govt. Girls H/S School da ka jingïashut Tie Breaker.
La pyntip kane ka lympung kala jam sha ka jingïakhun Semi Final lashai ka sngi 21 tarik haka kyrdan U-17 (Girls) kan don kawei ka jingïakhun, ar tylli haka kyrdan U-15 (Boys) bad ar tylli haka U-17 (Boys).