Ka Voice of the People Party (VPP) hadien ka jingtrei shitom jong ka ha kane ka Elekshon 2024 ban jied ia u Nongmihkhmat ban mihkhmat na ka Shillong Parliamentary Seat sha ka ïingdorbar Lok Sabha jong ka Ri India, ka la ioh kheit ia u Soh uba thiang ha kaba u Dr. Ricky A.J. Syngkon u la jop ha ka jingiakhun pyrshah ia u Kyrtong jong ka Party Congress ma V.H.Pala, ia ka Dr Mazel Amparen Lyngdoh, National People Party, ia u bah Robert June Kharjahrin u Kyrtong jong ka Regional Democratic Alliane, ia ki Kyrtong shimet Prof. L. Kma bad ia u ma P. Shallam.
Ka jingai-khublei jingjop jong ka VPP ia ki paidbah ka Shillong Parliamentary Constituency kaba la long ha kane ka 8 tarik Jylliew 2024, ha Madan Smith ka la long shisha ka jingai khublei ia ki paidbah Nongjied kaba kat ka jingai-khublei kaba ym pat ju don ka jingai khublei jingjop ha ki snem kiba la leitnoh la ha ka MP, ka MLA lane ka MDC Elekshon. Kane ka jingai nuksa babha jong ka Voice of the People Party kaba la dei ban iaroh bad kaba long ka Nongmuna nangne shakhmat ia ki Nongjop ha ka MP, MLA lane MDC ban pynlong ia u Nongjop bad ia ka Party ban ai khublei ia ki Paidbah Nongjied kiba pynjop ia ki da kum kane ka jingialang jong ka Constituency.
La dei ban iaroh ia ka Voice of the People Party kaba poi kynmaw ban pynlong da kum kane ka jingialang ban ai khublei ia ki paidbah nongjied jong ka Constituency.
