Ka West Jaiñtia District Sports Association, (WJDSA) Jowai mynta ka sngi kala sdang ïa ka lympung ïalehkai phutbol kaba la tip kum ka ‘Republic Day Cup, Under-13 Football Tournament 2024’ kaba la pynïakhun ha madan Kiang Nangbah Stadium, Dongmihsngi, Jowai.
Haba phai sha ka jingïakhun ba nyngkong mynta ka sngi ka FAM kala pynliem da 3-0 kol ïa ka Luti Tuber Ialong, ïa ki kol na ka FAM la thep da u Dachanmitre Dkhar ha ka minit ba 17 & 55 bad u Chelangki Shylla haka minit ba 25. Katba ka Catholic Youth Mihmyntdu kala pynliem da 3-0 kol ïa ka Iawmusiang Nartiang, ïa ki kol na ka Catholic Youth Mihmyntdu la thep da u Wandame Phawa haka minit ba 7 & 50 bad u Charelang Phawa haka minit ba 53.
Ha ka jingïakhun kaba ar ka Panaliar kala pynliem da 5-0 kol ïa ka Mynthong, ïa ki kol na ka Panaliar la thep da u Sawa o Phira haka minit ba 22, 30 & 35, u Lewa o Sumer haka minit ba 45 bad u Lammiki Kynjing haka minit ba 49. Katba na ka liang ka kynhun jong ka Sabahmuswang kala pynliem da 2-1 kol ïa ka Dulong, ïa ki kol na ka Sabahmuswang la thep da u Deiwaemitre Shylla haka minit ba 7 & 13. Ïa ka shikol na ka Dulong la thep da u Ozil Langshiang haka minit ba 28.
Ha ka jingïakhun kaba lai ka Iongpiah kala pyliem da 2-0 kol ïa ka Sailung Ialong, ïa ki kol na ka Iongpiah la thep da u Saiwotkibor Suwer haka miniot ba 18 bad u Kynsai Manner haka minit ba 38. Katba ka kynhun jong ka P.S.A kala pynliem da 4-0 kol ïa ka Demthring, ïa ki kol na ka P.S.A la thep da u Shemiki Myrchiang haka minit ba 35 & 39, u Deibormi Mulieh haka minit ba 58 bad u Wallam Pyrtuh haka minit ba 59.
La pyntip ba ka jingïalehkai ka bteng lashai ka sngi 9 tarik u Kyllalyngkot naduh ka por 9 bajer mynstep ha kaba yn pynïakhuh haduh 6 tylli ki match.