Ka jingïalehkai phutbol jong ki kynthei Women League kaba la long mynta ka sngi 18 tarik u Nohprah ba la pynïaid daka East Jaiñtia Hills District Football Association, ha ki ar tylli ki jingïakhun kaba nyngkong ka long hapdeng ka Deinchynrum SC pyrshah ïaka Wapung Combine bad ka jingïalehkai ba ar pat kala long hapdeng ka Dkhiah West pyrshah ïaka Iongkaluh SC.
Ha ka jingïalehkai ba nyngkong, ka Deinchynrum SC kala pynliem ïaka Wapung Combine SC da shi 1-0, ïa kane ka shikol na ka Deinchynrum SC la thep da ka Ibashisha Khongwet haka minit ba 68 lyngba ka Penalty Kick.
Haka jingïalehkai ba ar pat, ka Dkhiah West kala jop haduh 12-0 kol pyrshah ïaka Iongkaluh SC. Ïa kitei ki kol la thep daka Batbitbha Bareh 2 kol, ka Russia Dkhar 2 kol, ka Amethis Darnei 4 kol, katba ka Iris Dkhar, ka Phaintis Lyngdoh, ka Jingshisha Bareh bad ka Release Lyngdoh kila ïoh thep mar shi kol.
Da kine ki jingjop ka Dkhiah West SC bad ka Deinchynrum SC ki dang long hakmat eh haka jingtam point ha kane ka lympung.