Ka lympung ïalehkai phutbol jong ka kyrdan 2nd Division bala pynïaid da ka East Jaiñtia Hills District Football Association kaba la long ha kane ka sngi 21 tarik u Nailur ha madan Artificial Turf, Diengshynrum, Khliehriat.
Haba phai sha ka jingïakhun Quarter Final ba nyngkong ka kynhun ïalehkai jong ka Ladrymbai Dongwah SC kala pynliem 3-2 kol ïa Umlyngsha Youth SSC haka jingïashut Tie Breaker.
Ha ka jingïakhun kaba ar ka R. Madanpynriang SC kala lah ban pynliem da 9-0 kol ïa ka Lumputhoi SC, ïa ki kol na ka R. Madanpynriang SC la thep da u Mebakyrkhu Dkhar haka minit ba 14, u Banieng Thoo haka minit ba 37 bad u Obadaia Bareh ula thep haduh lai kol (hattrick) kata haka minit ba 40, 51 & 72, u Phirip Lyngdoh haka minit ba 45, u Dilangki Dkhar haka minit ba 53 & 75 bad u Babit Thoo haka minit ba 63.