Ka lympung ïalehkai phutbol “Independence Day Cup” Under-17 Football Tournament 2024 bala pynïaid da ka West Jaiñtia District Sports Association (WJDSA) Jowai kaba la long mynta ka sngi 12 tarik u Nailar ha madan Kiang Nangbah Stadium Dongmihsngi, Jowai.
Haba phai sha ka jingïakhun ba nyngkong ka 7 Wasa kala pynliem da 3-2 kol ïa ka Pateinki Sabah, ïa ki kol na ka 7 Wasa la thep da u Kamjuh Phawa haka minit ba 10, u Kam o hi Biam haka minit ba 23 bad u Riphi ko Shylla haka minit ba 31, na ka liang ka Pateinki Sabah la thep da u Mar oo Shylla haka minit ba 53 bad u Marbudki Dkhar haka minit ba 57.
Katba ha ka jingïakhun kaba ar ka Khimusning kala pynliem da 4-3 kol ïa ka Mynthong lyngba ka jingïashut tie breaker, haba phai sha ka por jong ka jingïakhun kila ïakhaid mar shikol 1-1, ïa ka kol na ka Khimusning la thep da u Meroily Lytan haka minit ba 58 bad na ka liang ka Mynthong la thep da u Lastborn Dkhar haka minit ba 46.
Da kane ka jingjop jong ka 7 Wasa bad ka Khimusniang kin ïaknieh ïa ka nam lahduh jong ka jingïakhun Final ka ban long haka 15.08.2024.