Ka jingïalehkai phutbol haka kyrdan Super Division Football Tournament 2023 bala ai kyrteng ‘U Kiang Nangbah Memorial Trophy 2023’ ïa kaba la pynïaid da ka West Jaiñtia District Sports Association, (WJDSA) Jowai mynta ka sngi ha madan Kiang Nangbah Stadium, Dongmihsngi Jowai.
Haba phai sha ka jingïakhun na ka liang ka kynhun ïalehkai jong ka 7 Wasa United kala lah ban pynliem da 5-2 kol ïa ka Mynthong, ïa kitei ki kol na ka 7 Wasa United la thep da u Sucrip Manner haka minit ba 3 & 49, u Dashngain Sukhlain haka minit ba 35 & 64 bad u Samehi Ryngki haka minit ba 48. Katba ïa ki ar kol na ka Mynthong la thep da u Mo Nuwaz haka minit ba 6 bad u Md Aruwaz Khan haka minit ba 81.
La pyntip ba ka jingïakhun mynta ka sngi 21.11.2023 kan long hapdeng ka Khimusniang pyrshah ïa ka Sailung Ialong haka por 1 baje shiteng nohphai sngi.