Ka lympung ïalehkai phutbol Independence Day Cub Under-17 Football Tournament 2023 bala pynïaid da ka West Jaiñtia District Sports Association (WJDSA) kaba la long mynta ka sngi ha madan Kiang Nangbah Stadium, Dongmihsngi Jowai.
Haba phai sha ka jingïakhun kaba nyngkong ka 7 Wasa United kala pynliem da 3-1 kol ïa ka Dongmihsngi, ïa kitei ki kol na ka 7 Wasa United la thep da u Riphi o Shylla haka minit kaba 1 bad ka minit ba 2. Ïa ka kol kaba lai la thep da u Mehipaia Dan ha ka minit ba 51. Katba ïa ka shikol na ka Dongmihsngi la thep da u Robert A Tang ha ka minit ba 57.
Ha ka jingïakhun kaba ar kila poi sha ka jingïakhaid khlem da don kiba thep kol (0-0) hadpeng ka kynhun ïalehkai jong ka Mynthong pyrshah ïa ka Sohmynting.
Ka jingïakhun lashai ka sngi 26 tarik kan long hapdeng ka Salaroh pyrshah ïa ka FAM haka por 1 baje shiteng nohphai sngi, katba ka Catholic Youth kan ïakhun pyrshah ïa ka Demthring haka por 3 baje nohphai sngi.